Fondi i Sigurimit të Depozitave të Kosovës (FSDK) dhe Banka Evropiane për Rindërtim dhe Zhvillim (EBRD) nënshkruajnë Marrëveshje Granti

FSDK dhe EBRD nënshkruan një Marrëveshje Granti për bashkëfinancim të projektit për implementimin e Sistemit të Premiumeve të Bazuar në Rrezik bazuar në Udhëzimet e Autoritetit Bankar Evropian (EBA).

Direktiva e BE -së mbi Skemat e Sigurimit të Depozitave (EU DGSD) harmonizon mekanizmat e financimit dhe mandaton që Skemat e Sigurimit të Depozitave të implementojnë sistemin e premiumeve të bazuara në rrezik për industrinë bankare.

FSDK-ja në Planin e saj Strategjik 2018-2022 kishte përcaktuar si objektiv strategjik implementimin e Udhëzimeve të EBA.

Udhëzimet e EBA përcaktojnë metodat për llogaritjen e premiumeve të bazuara në rrezik bazuar në profilin e rrezikut dhe ekspozimit ndaj secilës bankë  anëtare.

Implementimi i sistemit të Premiumeve të Bazuar në Rrezik është një projekt shumë-vjeçar që do të implementohet në 3 faza dhe pritet të finalizohet deri në fund të vitit 2023.

FSDK synon me këtë reformë të avancojë sistemin e saj të premiumeve bazuar në praktikat më të mira të BE-së, për një sistem efektiv të sigurimit të depozitave i cili është kritik për  stabilitetin e sistemit financiar.