FSDK merr pjesë në Takimin e 30 të Komitetit Rajonal Evropian në Pragë

Si përfaqësuese e FSDK-se, Drejtoresha Menaxhuese, Zonja Violeta Arifi-Krasniqi merr pjesë në Takimin e 30 të Komitetit Rajonal Evropian te IADI – Asociacionit Ndërkombëtar te Siguruesve te Depozitave që mbahet në Prage, Republikë Çeke.

Znj. Arifi-Krasniqi do të raporton Komitetit mbi aktivitetet vjetore të FSDK-së si dhe arritjet, në kuadër të raportimit vjetor të anëtarëve. Temat tjera të takimit janë: Raporti mbi aktivitetet e Sekretariatit të IADI dhe informacione mbi rezultatet e Anketës Vjetore 2014, Miratimi i procedurës dhe përzgjedhja e kryesuesit të ERC në mandat tre vjeçar, rezultatet e punëtorisë mbi planifikimin strategjik të IADI.

Në kuadër të takimit, është mbajtur po ashtu seminari teknik mbi “komunikimin në rast krize dhe media shoqërore” duke përfshire komunikimi me depozitarët me praktikat e prezantuara nga Kanada, Zvicra, Republika Çeke dhe Rumania. Gjithë ashtu është shtjelluar komunikimi në rast të krizave si dhe shfrytëzimi i mediave sociale me përvojat nga Hungaria, Republikën Çeke, Rumania, Britania e Madhe, Rusia, Bulgaria, Greqia, Turqia dhe Polonia.