FSDK nënshkroi Marrëveshjen për Kredi dhe Garanci për linjën e dytë kreditore, në mes të Ministrisë së Financave dhe BERZH-it
Komunikatë për shtyp
Sot me date 22 dhjetor 2016 është bërë nënshkrimi i Marrëveshjeve për Kredi dhe Garancinë për linjën e dytë kreditore për FSDK në shumën prej 24 milionë euro, në mes të Ministrisë së Financave, Bankës Evropiane për Rindërtim dhe Zhvillim dhe Fondi për Sigurimin e Depozitave të Kosovës.
Nënshkrimi i sotëm i Marrëveshjeve i mundëson FSDK-së përafrim me Standardet Ndërkombëtare për Sisteme Efektive të Sigurimit të Depozitave, përkatësisht me Parimin 9 duke fuqizuar aranzhimet financiare për të ndihmuar në mbështetjen e stabilitetit financiar. Është qëllim strategjik i FSDK-së pajtueshmëria me standarde ndërkombëtare të cilat janë pranuar edhe nga Bordi i Stabilitetit Financiar në shkurt të vitit 2015.
Për t’ju qasur komunikatës së përbashkët, ju lutem klikoni në linkun e mëposhtëm:
