Vizita e delegacionit të Agjencisë së Sigurimit të Depozitave të Shqipërisë

Në datën 24.04.2025, Fondi i Sigurimit të Depozitave në Kosovë  mirëpriti  në vizitë zyrtare përfaqësues të lartë të Agjencisë së Sigurimit të Depozitave të Shqipërisë (ASD), kryesuar nga  Drejtori  i  Përgjithshëm Z. Genci Mamani.

Drejtorja Menaxhuese Znj. Shqipe Devaja,  e vlerësoi bashkëpunimin ndërmjet ASD-së dhe FSDK së të ndërtuar nëpër vite dhe të fuqizuar së fundmi për zhvillimin dhe fuqizimin e sistemit të sigurimit të depozitave në funksion të mbrojtjes së depozitorëve dhe ruajtjes së stabilitetit financiar.

Gjatë vizitës, të dy institucionet diskutuan  zhvillimet e fundit në të dy juridiksionet si dhe tema të rëndësishme me interes të përbashkët dukë përfshirë zhvillimet e pritshme mbi reformat në  fushën e sigurimit të depozitave sa i përket harmonizimit të legjislacionit me Direktivën Evropiane mbi skemat e sigurimit te depozitave si dhe Direktivën për rimëkëmbjen dhe përmbylljen e bankave.

Fokus i veçantë i takimit ishte reforma mbi sistemin e premiumeve të bazuara në rrezik bazuar në udhëzimet e Autoritetit Evropian Bankar (EBA).

Në fund të vizitës,  drejtuesit e institucioneve vlerësuan lartë bashkëpunimin  e ndërsjelltë  si dhe u përkushtuan për vazhdimin dhe thellimin e bashkëpunimit me synimin të avancimit të sistemeve të sigurimit të depozitave me standardet evropiane si dhe me standardet ndërkombëtare.