Fondi i Sigurimit të Depozitave në Kosovë nënshkruan marrëveshje me Bankën Raiffeisen Kosovë e përzgjedhur si bankë agjente e pagesës për FSDK-në për periudhën 2025-2028.

Fondi i Sigurimit të Depozitave në Kosovë nënshkruan marrëveshje me Bankën Raiffeisen  Kosovë e përzgjedhur si bankë agjente e pagesës për FSDK-në për periudhën 2025-2028.

FSDK, në bazë të praktikave më të mira ndërkombëtare për forcimin e gatishmërisë operacionale   përzgjedh  një nga bankat anëtare për të vepruar si agjent i saj i pagesës me qëllim  realizimin efektiv të një procesi kompensimi në rast të një ngjarje të siguruar.

Procesi i përzgjedhjes është realizuar në përputhje me Rregullën e FSDK-së mbi procesin dhe kriteret e përzgjedhjes së bankës agjente për pagesë dhe përfshin dy faza. Faza e parë është ftesa për të gjitha bankat anëtare për të shprehur interesimin e tyre për të qenë banke agjente për FSDK-në. Ndërsa, faza e dytë përfshin vlerësimin e ofertave të pranuara mbi përmbushjen e kritereve teknike dhe organizative në përputhje me ftesën e FSDK-se për shprehje të interesit dhe përzgjedhjen e bankës agjente të miratuar me Vendim nga Bordi Menaxhues.

Në vijim të përzgjedhjes  banka agjente do të jetë pjesë e ushtrimeve  të rregullta të simulimit, si dhe të trajnimeve të rregullta me qëllim të forcimit të gatishmërisë operacionale për të realizuar      në rast te nevojës  kompensimin e  depozitorëve në përmbushjen e mandatit të FSDK.