FSDK mori pjesë në Takimin vjetor të Asamblesë së Përgjithshme, Konferencën Ndërkombëtare Vjetore 2025 si dhe komitetet relevante të Shoqatës Ndërkombëtare të Siguruesve të Depozitave (IADI)

Fondi i Sigurimit të Depozitave të Kosovës (DIFK), i përfaqësuar nga Drejtorja Menaxhuese dhe zyrtarë të lartë, morën pjesë në ngjarjet vjetore të Shoqatës Ndërkombëtare të Siguruesve të Depozitave (IADI) 2025. Këto ngjarje përfshinin Mbledhjen e 24-të të Asamblesë së Përgjithshme Vjetore, Konferencën Ndërkombëtare Vjetore 2025, takimin e Komitetit Rajonal Evropian (ERC) dhe takimin e 83-të të Komitetit Ekzekutiv, të mbajtur në Lisbonë, Portugali, nga 24 deri më 28 nëntor 2025.

I organizuar nga Fundo de Garantía de Depósitos (FGD) e Portugalisë, ngjarja mblodhi së bashku liderë globalë dhe ekspertë në sigurimin e depozitave dhe stabilitetin financiar. Tema e konferencës së këtij viti, “Udhëheqja nëpërmes sfidave të politikave për të mbështetur stabilitetin në një botë të paparashikuar dhe të fragmentuar”, u përqendrua në sfidat me të cilat përballen pjesëmarrësit në rrjetin e sigurisë financiare mes fragmentimit në rritje gjeopolitik dhe ekonomik dhe transformimit të shpejtë dixhital.

Diskutimet nxorën në pah se si një valë transformuese e inovacionit dixhital po riformëson peizazhin financiar global, duke prezantuar kompleksitete të reja për siguruesit e depozitave, ndërkohë që zhbllokon mundësi të paparashikuar për të ardhmen e parasë dhe financave.

Sesionet e konferencës eksploruan se si siguruesit e depozitave duhet të përshtaten me forcat e dyfishta të fragmentimit dhe dixhitalizimit, duke harmonizuar praktikat në një mjedis financiar gjithnjë e më të ndarë dhe kompleks. Temat kryesore përfshinin implikimet për kornizat e sigurimit të depozitave, strategjitë për të ruajtur stabilitetin financiar global dhe rolin e bashkëpunimit ndërkombëtar në adresimin e rreziqeve ndërkufitare dhe sfidave të transformimit dixhital për një sistem financiar global të qëndrueshëm.

Delegacioni u takua gjithashtu me agjenci homologe për të shkëmbyer përvoja, për të forcuar bashkëpunimin dhe për të avancuar marrëdhëniet strategjike me institucionet e sigurimit të depozitave nga e gjithë bota.

Duke marrë pjesë në këtë ngjarje të nivelit të lartë, FSDK riafirmoi angazhimin e saj për forcimin e sistemit të sigurimit të depozitave në Republikën e Kosovës dhe për të kontribuar në përpjekjet globale për të ruajtur stabilitetin financiar në një mjedis në zhvillim dhe të paparashikuar.